కలి కాలపు కవలల్లారా – జై జవాన్ జై కిసాన్

February 29, 2016

అమ్మ వోలె ముద్ద పెట్టి కడుపు నింపునొకడు

నాన్న వోలె కన్నులుంచి నిద్ర పుచ్చునొకడు

చేలు పంట కలుపు తీయునొకడు

దేశ కంట నలుసు తీయునింకొకడు

అలుపు లేదు, సొలపు లేదు, పని అనే ధ్యాస తప్ప

కులము లేదు, మతము లేదు, మనుషులనే జాతి తప్ప

నాది లేదు, నీది లేదు, మనం అనే మాట తప్ప

రేయి లేదు, పగలు లేదు, రోజులనే లెక్క లేదు

మురికి లేదు, మరక లేదు, నరకమనే చిక్కు లేదు

ఎండ లేదు, వాన లేదు, కాలమేదని గుర్తు లేదు

Topic